Tigwav,(LP).- Manb opozisyon an pran lari jounen Jedi 16 Oktòb la, pou kontinye mande depa aktyèl katèl Majistra a alòske pwòch otorite lokal yo te nan lari a tou pou fòse Prezidan Mateli vin inogire Waf Tigwav la.

Sou apèl Manb Miks liberasyon (FML) plizyè Santèn moun pami yo elèv lekòl te pran lari a,yo te soti Gaston yo pase nan vil la,rive devan lameri,monte la hatte,nan zòn Kolèj Metodis,sitiyasyon an te malouk kote kèk manifestan te tire wòch sou polisye yo,fòs lòd yo te replike,yo bay gaz.Manifestasyon opozisyon an fini konsa,kèk minit aprè,gen kèk enividi ki t'al bloke wout nsasyonal la o nivo Bòn Sòlda.

yon lòt kote pwoch otorite lokal yo te nan lari a tou,yo te soti Chabann,yo tap mande Prezidan Michel Joseph Mateli vin inogire Waf la,nan kafou Andre Dicette lapolis kraze manifestasyon an,a gaz lakrimojèn alòske yo t'ap resevwa anpil kout woch k'ap soti Jibile,baz opozisyon an,yo tap lanse pawol piman bouk kont opozisyon an,Manifestan yo pat gen chans kontinye pakou yo.

Moun Chemen Lafond,Bòn Solda,Jibile,ri Benwa,Andre Dicette pase move Moman anba gaz,anpil nan yo plenyen pou gaz yo pran,daprè sa yo gaz sa twò fò konsa yo mande lapolis resezi yo.

Delmondo Charlemagne/LP