Gwo  van tansyon soufle nan vil Tigwav,jounen Madi 30 Septanm lan,tout aktivite te paralize,nan plizyè kwen nan vil la,anpil kout wòch tire sou manifestasyon opozisyon an kote gen 3 moun ki pou piti blese,wout nasyonal nimewo 2 a te bloke pandan plizyè èd tan,kawotyou t'ap boule.

Seri mouvman leve kanpe sa yo pran yon lòt faz,lapolis pat gen kontwòl Sitiyasyon an,nan Mache Dimanch,jwèt la ta pral gate,lè Mondor Dieuseul,yon mizilman,manb Blok opozisyon Demokratik(BOD) resevwa plizyè kout kouto nan tet daprè kèk manifestan,yo akize ti toutou,yon patizan otorite lokal yo,ki daprè yo ta fè zak sa aloske,ti toutou voye jete akizasyon sa yo,manifestan yo ki te an kòlè te tante boule kay Ti toutou ak kay Manman Majistra Sandra W Jules.Daprè Chofè Taksi Moto ki te pote Dieuseul Mondor lopital la,fè konnen se yon kout boutèy li ta pran.Pou kounya blese yo ap pran pran swen nan lopital NotreDam Tigwav la.

Yon mouvman ki pran yon anplè,kèk elèv Lise Fosten Soulouk te swiv manifestasyon an alòske yon lòt gwoup pat dakò,yo te tire anpil kout wòch sou manifestan yo,se te yon verite panik devan Lise a,manifestan yo te replike anba je lapolis.

N’ap soulinye Mèt André Michel te vin pote ranfò bay Manb FRONT MIXTE POUR LA LIBERATION yo,nan adrès ak foul la,li di,y’ap kontinye mobilize pou konbat Administrasyon Mateli/Lamòt la ki daprè li ap mal jere peyi a.

DC/LP