Nan lokalite chalmay,bwa jansi ak chato ki nan 12èm seksyon komin tigwav,gen yon maladi kap fè ravay,abitan zòn sa yo pa ka idantifye ki maladi li ye,konfrè Dieudonné Delice nan radyo Klofa Pyè fè konnen gen anviwon 44 moun ki trape maladi sa,ki ta sanble ak kolera paske se prèske menm sentom yo.Nan sans sa,plizyè òganizasyon nan seksyon an mande otorite sanitè yo fè yon entèvansyon pou evite sitiyasyon an konplike.

Madi 10 oktòb la,nan yon asistans ki te chaje ak gwo palto nan leta a,lekòl Sacré-coeur inogire,travay reyabilitasyon sa koute 46 milyon goud,se anbasad peyi laswis ki finansel.Nouvo batiman sa,anti sismik,dprè anbasadè peyi laswis an  ayiti,Madam Edita Fokral li ka reziste menm lè ta gen tranbleman tè.

Minis kominikasyon an Jn Gardy A.nan lokal rezo medya tigwav ap chita pale ak jounalis yo jounen madi 9 0ktòb la,daprè Wilner Saint-Preux,vis kòdonatè rezo medya tigwav

Ansyen majistra komin tigwav Yves Lindor ki t'ap entèvni sou radyo Preferans aswè Lendi 8 oktòb la,deklare li pa dakò ap moun kap mande depa Prezidan Michel Joseph Martelly,ansyen majistra fè konnen pwoblèm grangou a te la avan Martelly rive sou pouvwa,li kwè Prezidan gen anpil volonte pou chanje kondisyon lavi popilasyon an,li di,se kèk politisyen ki kanpe an kwa pou pa kite pwogram gouvènman ateri. 

Otorite lapolis ak Minista mennen yon ankèt sou Lanmò Francilia Hyppolite,yo di ki te mouri nan moman lapolis tap entèvni pou debloke wout Barèt jedi 4 oktòb pase a,ankèt la revele,Madam Francilia ki gen 80 lane te mouri depi avan operasyon lapolis la,kadav la ta twouvel nan mòg La foi en christ,Daprè toujou menm ankèt sa,kèk pwòch defen an te fòse dirijan mòg la pou ba yo kadav avan lè yo te siyen an,nan lide pou yo te ka fèl pase pou viktim britalite lapolis.Nap fè konnen se lapolis syantifik ki mennen ankèt sa,ki disponib pou kounya nan Direksyon depatmantal lwès polis la ak Komisarya tigwav la.