Mobilizasyon eleksyon mete tèt anpil moun, an boulatya, nan kè kapital la chalè a wo,baz nan katye popilè yo sou 2 pye yo, Patizan kandida fin Awoyo,anvlòp mil goud ap simaye nan tout kwen.

Suspens....

Nan plizyè estasyon machin ki prale an pwovens, anpil moun ap rantre lakay yo, tè pòtoprens pa pou yo, si bagay yo pase byen ya tounen.

Deba yo chofe nan medya yo,dènye kout kreyon ap fèt, atak/kont atak, Opinyon piblik la detounen.

Kandida ap fè moun pè....

Kandida 0% kontinye ap denonse ,yo di gen zam ki bay pou simen latwoublay, yo di pap gen eleksyon se seleksyon, moun sa yo toujou rete nan kous malgre yo konnen sa p'ap pase byen,fim y'ap jwe.

Blan yo ap veye okazyon

Tès 25 oktòb la,fòk nou pran l o serye, sinon n'ap tonbe nan pyèj, se rezilta eleksyon sa k'ap di ki wout peyi a ap pran.

Lè w'ap simen lajan nan baz ,bay zam, se divizyon ,se pa lapè, Si vrèman ou se pitit Desalin, sonje 18 me 1803 ,se linyon pou nou fè, ni nèg anwo ni nèg anba, dwe antann yo pou n konbat tout sila yo kap toupouzi peyi a.

Pou sa rive fèt ,nou dwe chita sou menm tab pou n diskite sou avni peyi a ,lè sa ,lòt nasyon yo va wè jann renmen Ayiti.

Delmondo Charlemagne