Tigwav, (LP).-Daprè yon sous nou fè konfyans, gen Manda mennen vini ki lage dèyè Patrick Louis, nan Vyalè, yo akize manb kolektif sitwayen angage vyalè a kòm moun ki ta patisipe nan tantativ pou boule Lise Roseline Vaval aswè Mèkredi 4 Mas la, se tribinal de pè ki desène Manda a, gen lòt manda ki lage deyè lòt endividi ki ta sanble gen pou wè ak Zak sa, toujou daprè menm sous la.

Alòske nan vil Tigwav, Rony Tintin ak Samuel Jeanlys 2 manb groupman Rezo Pititpep jwenn arestasyon yo avanyè ak yè, yo akize mesye sa yo kòm Moun ki ta met dife nan otobis capital coach line, kòmansman semèn sa, gen lòt manda ki desène nan kad menm dosye sa.