Yon Nouvo Mouvman politik pran nesans nan Vil Tigwav Samdi 17 Me a,li pote non Mouvman Inite Nasyonal(MIN),òganizasyon sosyo politik sa,daprè Dirijan yo,fèt pou louvri je Sitwayen yo sou fason pou yo Vote nan eleksyon yo enpi ede yo fè sa ki byen pou avanse sosyete a.

Gwoupman sa pran nesans nan yo moman tout je brake sou eleksyon Senatè,depite,Majistra,Kazèk ak Azèk,li gen yon komite pwovizwa  15 Manb k'ap dirijel avan yo fè eleksyon.Nou ka site kèk nan yo.

Nickson DUCLAIR, Ernxo PIERRE (mèt Alain), Gétheau LINDOR ak Mario MAXLIN, ki se respek tivman sekretè jeneral, pòt pawòl, kòdonatè jeneral ak konseye.

Manb òganazisyon politik tou nèf sa pwomèt pou fè edikasyon sivik popilasyon an,sansibilize l pou korije tout fòm deriv kap wonje sosyete a,yo montre yo pa dakò ak politik bay lajan pou vòt la,yon fenomèn manb MIN yo di yo pral lite kont li.

Sous: Lamy-infohaiti/STV Ch12.