Pòtoprens, (LP).-Ak yon vizaj tris, Premye minis Laurent S Lamothe, adrese l ak pèp ayisyen an aprèl fin remèt Prezidan Mateli lèt demisyon l Samdi swa ,sou demand komisyon konsiltativ la ak presyon kominote entènasyonal la.
Premye minis demisyonè a felisite tèt li pou bon travay, li di, li menm ak ekip li fè depi lè yap mennen bak peyi a.
Pi lwen, li deklare se ak yon santiman satisfaksyon l'ap kite primati a, nan sans sa, mesye Lamothe remèsye tout Sektè ki te bal bourad pou l mete Peyi Dayiti kotel ye lajounen jodi, kòmkwa peyi a ap byen mache.
Mesye Lamothe ki t'ap adrese l ak Nasyon an sou antèn Televizyon leta a, TNH,di li asepte demisyone, si se sa k'ap rezoud kriz Ayiti ap konnen Dènye jou sa yo.
Ki pwochen pa k'ap fèt pou retire Ayiti nan sal ye jodi a ? Eske rekòmandasyon komisyon konsiltativ la, ka rezoud kriz peyi a? Eske rekomandasyon sa yo fèt nan respè manman lwa peyi a? Eskè rapò komisyon sa pa febli Prezidan Mateli? Nan 28 jou eske aktè yo ap gentan jwenn yon fòmil pou pa kite Peyi a tonbe nan yon tyouboum,12 Janvye 2015? Yon dividal kesyon, pèp la ap bouske repons pou yo.
Delmondo Charlemagne/LP
Suivre le flux RSS des commentaires
Ajouter un commentaire
Créer mon blog