Pandan jou yo ap vanse pou reyalizayon 7èm edisyon kanaval Dous Makòs la, 1er,2,3 ak 4 Mas k'ap vini la,CCP nan tèt Kole ak otorite lokal yo pa kanpe ak preparatif yo.

Nan atelye yo,atis yo kontinye ap pwodwi,Estann kòmanse ap konstwi o Nivo plas Abèy,zòn Lahat. Daprè Romain Jean Huges pòt vwa CCP,Dirijan yo nan komite a ap diskite pou mete deyò yon lis gwoup ak Atis k'ap nan pakou kanaval alòske otorite santral poko di konbyen kòb yap debloke pou Tigwav nan 12 milyon goud,komite kanaval la ap bezwen pou fè yon kanaval banda nan Vil Dous Makòs la.

Dirijan CCP yo chanje logo kanaval Dous Makos la ane sa,nan lide pou l reflete tèm lan<<Kanaval lanmou pou fanm tè dayiti>>.