Dirijan ayisyen yo pwofite bèl lalin kòmansman ane 2015 lan pou plonje komin Tigwav nan yon black out san parèy.
Nou byen mal, lopital Notre Dame lan, malad grav, yon sèl la nou genyen, prèske tout sèvis bloke,sèl anbilans lan k'ap mache, nan dat 30 Desanm ki sot pase la, lopital la refize yon fanm ansent, pou yo tranfere l Lewogàn, zotobre yo mande 500 dola, paran pasyan an ki pat gen mwayen te jwenn yon lot pwochen, yo met 150 dola gaz epi yo ale.
Divizyon nan mitan nèg geto yo, politisyen otorite simen jiròf ak pwav nan mitan jèn sa yo k'ap viv nan katye popilè yo,lajan o! alon gwo malediksyon.
Otorite pa kominike ak pèp la,pou fèt la, kominikasyon sanble mouri nan site a, Enstitisyon yo bliye pèp la, yo fè sa yo vle, se pèp ki oblije pran lari nan plen lannwit pou bouske esplikasyon sou sa ki pap mache tankou EDH.
Pou yon komin byen mache fòk sèvis de baz yo ap mache, Komin Tigwav, nan sans sa, nou bezwen yon bon doktè, pou swanye l, soti nan kouran, dlo, Sante elatriye ...nou byen mal...
Delmondo Charlemagne/LP
Suivre le flux RSS des commentaires
Ajouter un commentaire
Créer mon blog