Pwoblèm kouran mete tout moun sou tansyon, depi bajou kase maten Lendi 5 janvye a, Vil Tigwav bloke ki donk anwo pa monte anba pa Desann.

Wòch ak krapas machin sou wout Nasyonal la ak Kèk ri nan Site Fosten Soulouk la, tout sa fèt pou pwoteste kont fènwa blakawout.

Okenn vwa ofisyèl poko di kwèdèk, yo sanble bèbè, mouvman sa san mèt, chak lapolis debloke, de tan twa mouvman li rebloke pi rèd, Moun k'ap soti, ki prale nan sid, Nip ,Grandans ak Lwès, sèlman ki ka di, ki peripesi, yo pase nan Vwayaj Jodi a. 6h Pm, Lapolis ap bay gaz enpi tire yon lapli Katouch sou wout nasyonal la jiska anndan Ribenoit, gwo son wi, zam lagè, Zòrèy pèp la fèl mal.

Pèp la pa ka vwayaje, pèp la ap pran gaz, pèp la pa jwenn kouran, pèp la ap viv nan lapèrèz, Li 7 Tè nan Aswè, souple peze bouton ON lan pou Mwen pou wè si anpoul la limen..... ''Yo poko bay li" oh oh Nap tann toujou si yo pa bliye nou..depi 1er Janvye nou te wè limyè aprè lalin nan wi ki klere.Telefòn nan pral dichaj, male, na pale aprè...

Delmondo Charlemagne/LP.