Ministè enteryè vle lave menl kou pilat nan dosye chwa 3 nouvo ajan enterimè pou vin mennen bak site Souloukwaz la ki sou titèl depi plis pase 4 mwa,daprè sa Minis enteryè a,Dr Ariel Henry, di,maten samdi 7 Fevriye a,nan yon oumble politik,manb Fòs Patriyotik Gresye (FOPAG) t’ap fè nan lakou Gresye.
Deklarasyon minis la,tonbe tankou yon bonm atomik,nan yon moman,anpil sektè vle vin pran kontwòl administrasyon Kominal la kèk jou avan òganizasyon eleksyon yo,Sou ensistans Louis Chaduc ki t’ap pale nan non Nouvèl alyans opozisyon an nan reyinyon an,Minis Ariel Henry te di aklè Pwoblèm ki poze a,twòp gwoup vini ak katèl pa yo,tout sektè vle se yo,sitiyasyon sa konplike tach la,toujou minis la k’ap pale,dosye Tigwav la fè dirijan yo nan gouvènman Mateli /Paul la fè anpil monte desann alòske,li di,yo gen tout yon peyi pou yo jere,jan titilè MICT la pale,otorite yo nan leta ayik nan fè konsiltasyon pou jwenn yon antant men ayen poko mache.
<< Nou pat vle mete ajan enterimè ki pral bay gouvènman kou nan do,sa vle di,ki pral prepare tèren pou kandida pa yo,nan pwochèn konpetisyon elektoral la >> se sa minis la deklare.Pi lwen Mesye Henry fè konnen,yo p’ap pran pawòl okenn gwoup politik,se pawòl Popilasyon an,y’ap tande sèlman ki donk se Tigwav ki pou Chwazi Dirijan l.
Minis la fè lwanj pou Manb Komite Teknik Espesyal la (CTS),li di,k’ap fè yon bon Travay,li pa ekate posiblite pou toujou kite antite sa mennen bak Vil la << Ti tan kout devan nou,nou pap ka fè anyen,se ijans n’ap jere >> se konsa minis Ariel Henry fini diskou li.
Kèk manb opozisyon an,nan Tigwav ki te prezan nan rankont FOPAG La,pran bal yo o fon,Ta sanble deklarasyon Minis la afekte yo pa rapò ak lespwa yo te genyen kòmkwa se yo ki pral gen kontwòl katèl la.Yon dosye Katèl Majistra ki divize klas politik lokal la,anpil machwè gonfle pandan sa,pwoblèm tout kalte kontinye ap bwase bil Komin Tigwav.
Delmondo Charlemage/Gresye
Suivre le flux RSS des commentaires
Ajouter un commentaire
Créer mon blog