<< Mwen Bay tout mwen menm pou FWON an te rive Lwen,men…>> Sa se deklarasyon kòdonatè FWON an Mèt Gerson Constant ki montre desepsyon l pa rapò ak tolalito,divizyon Kòlèg li yo, li di ki pa toleran enpi yo pat vle Rantre nan yon kad legal pou yo gen prensip nan estrikti sa ki te monte pou charye ansanm revandikasyon popilasyon komin Tigwav.

Eskè Batay la pote Fwi?

Mèt la reponn wi << Nou rive Febli otorite lokal yo ki tap fè benntara sou do pèp la,nou montre klas politik la vivan>> Pwofesè Constant santi l konfòb sou pwen sa sèlman.

Batay pou lidèchip…

Anndan Fwon an,genyen yon machin destriksyon k’ap toufe tout  jèn lidè ki vle emèje,sa se youn nan Sous divizyon an Daprè Kodonatè FWON an ki t’ap pale ak Journal Le Petit goavien Maten Lendi 12 janvye a,konpòtman sa lakay sèten sektè nan Fwon sa montre aklè entolerans aktè yo ki malerezman Bliye objektif mouvman an.

Eske FWON an toujou egziste ?

Mèt Gerson reponn WI men l swete gen koreksyon ki pote nan mitan Mesye yo ki divize <<Fwon an toujou Egziste annatandan gen koreksyon ki pote Estrikti sa ki depi  4 mwa poko gen yon konstisyon ki etabli prensip gwoupman>>  fen sitasyon an.

Ipokrizi ,Entolerans….

Pou Fwon tounen sou Depye l fòk manb yo toleran pou yo asepte<< inite nan Divèsite>> pou yo asepte opinyon lòt blòk politik ki manb Fwon an.Sispann politik << devan byen,dèyè mal>> Sa nou rele pale mal..Met Gerson kontan li pa gen okenn Pwoblèm pou Rezo Pitit Pèp ak BOD ki deside fè yon sèl pou kontinye batay la << Mwen dakò,mwen deja anbake,mwen se moun tout moun>>

Gerson Constant, yon Viktim

<<Mwen bay tout sam genyen nan batay la,Fòs mwen,finans mwen,tout sa se pou batay pèp  la te ka rive lwen,kòm benifis,kòlèg mwen yo souvan konprann mwen mal…>>  deklarasyon Pwofesè  Gerson ki fè konnen l’ap rete yon sèvitè pou tout  sektè k’ap mennen yon bay popilè.

Entèvyou sa fèt Kwa Jibile,Maten Lendi 12 Janvye a.

Delmondo Charlemagne/LP.