Mache kominal la, fè nwa kou lank gran jounen, nan nwit pa gen sekirite, machann pa sispann pèdi machandis yo, pa gen pyès Zotobre ki di, yon mo alòske ti machann yo peye taks.

Fatra nan tèt kafou,Anpil moun vle fè kwè, se yon politik Fatra, prèske toupatou se konsa, sa se rezilta, otorite san vizyon, plis pase 50 ONG, t'ap feraye nan komin nan Aprè 12 janvye 2010, menm yon kamyon, vil la pa genyen.

Yon sèl FC Petit-goave nou genyen, yo pa ankadre l, jwè yo gen talan, sektè prive, otorite lokal, ta sanble, Foutbòl pa entèrese yo alòske yo renmen Messi ak Christiano.

PWOBLÈM yo anpil,kiyès k'ap chanje sa? Tigwav, kiyès k'ap pale pou li? Mezanmi gade kandida pou pòs Majistra!

43 manifestasyon, Bato politik la chavire, tout moun vle kapitèn, Sila ki t'ap goumen ansanm al nan kan pa yo, Mouvman leve kanpe yo lakoz anpil viktim kolateral. PWOBLÈM ekonomik ak sosyal yo la pi rèd, pouvwa santral bliye Tigwav alòske li gen Menm lanmou an,pou zanmi lokal yo, Meri Tigwav san dirijan, sa se Rezilta a.

Èske eleksyon majistra k'ap rive la, pral bay posiblite pou lave figi Tigwav? Lè pifò kandida yo se grenn 5, Koman n'ap chwazi, bon grenn nan mitan move grenn? PWOBLÈM
tout kalte k'ap bwase bil Vil Tigwav,komanse jèmen, fòk nou fè yon jan mezanmi.

Delmondo Charlemagne/LP.