Chak maten,soti lendi pou rive vandredi(7h 30-8h 30) sou Radio télésourire 89.5 fm,swiv emisyon CLARTé DU JOUR kote tout pwoblèm tigwav ap poze. 

Fas a degradasyon anviwonnman nan tigwav,minis antite sa,Jn Vilmont Hilaire anonse pou 9 oktob kap vini la,yon atelye travay nan tigwav kote anviwon 100 moun ki soti nan sosyete sivil la ap gen pou reflechi sou pwoblem anviwonnman rejyon an,minis la,ki tap bay yon konferans pou lapres nan lokal REZO MEDYA ,maten Dimanch 30 septanm nan,pwomet,komin tigwav ap toujou nan lis priyoritel nan kad aksyon lap poze nan pouvwa MARTELLY/ LAMOTHE la.

<< Lem mande kontab meri tigwav la touche mwa jiye a,li dim lakou siperye kont yo bloke transaksyon meri a depi apre fet patwonal la>> Se ak fraz sa  ansyen majistra Marc Roland JUSTAL komanse yon konferans pou lapres li bay maten Dimanch 30 Septanm,majistra deklare,li bezwen lajan konsa  li mande leta ayisyen esplikasyon.

Nan yon mesaj espesyal li adrese ak popilasyon tigwav la,vandredi 28 septanm nan,Jacques S.Thimoleon,reprezantan komin tigwav nan palman an,mande tout moun rete poze,li di gen kontak kap kontinye fet pou rezoud diferan pwoblem popilasyon an genyen.Palmante a swete genyen yon klima estabilite ki renye yon fason pou 350 lane fondasyon vil tigwav la ka byen pase.

Depi Mèkredi 26 septanm 2012 lan,dirijan EPER SUISSE yo deside rekòmanse tout aktivite yo nan tigwav kote yo te mande pou tout anplwaye vin travay,tout anplwaye efektivman vin nan pòs yo men jiskaprezan Magazinye a,Peterson Etienne pa prezante.Nap fè konnen Peterson Etienne voye manda bay nimewo 1 EPER SUISSE la JEAN MUTAMBA,li estime ki akizel nan dosye 239 mil dola vèt ki fè fon nan ONG a