Ayiti, (LP).- Ouragan Gonzalo lokalize maten an a anviwon 1000 km  Sidwès Bermudes ,li etann li sou Atalantik la jiska Nò peyi Pòtoriko an pasan pa il Bahamas ak AYITI,l’ap lakòz move tan sou Karayib la ak Atlantik la.

Gen ti lapli modere ak kout loraj izole ki prevwa sou kèk rejyon nan peyi Dayiti.

Pa rapò ak trajektwa yo prevwa,siklòn  tropical Gonzalo pa reprezante jiska prezan okenn menas pou AYITI,sepandan dirijan sant nasyonal Metowoloji (CNM) ap kontinye ap swiv deplasman ouragan an pou yo kenbe popilsayon an enfome.

Sous HAITINEWS2000.NET

Tigwav, (LP).- Manb Fwon Miks liberasyon(FML)  anonse Madi  14 Oktob la,2 jounen manifestasyon nan vil la,Jedi 16 ak Vandredi 17 Oktob, Pou fòse otorite nan pouvwa santral kapote atyèl katèl Majistra a.

Anons sa fèt,4 jou aprè Rankont Minis enteryè a,Reginald Delva ak Manb FML yo,Manb opozisyon an estime Minis la pa kenbe pwomès li yo konsa yo deside repran beton an pou fòse konsène yo tande kri yo.

Nossalito Soliman youn nan pòt Pawòl  FML,ki t’ap reponn kesyon jounal le Petit goavien,aprè midi Madi 14 Oktòb la,nan telefòn, fè konnen y’ap rete mobilize jis yo jwenn satisfaksyon.

DC/LP

Tigwav, (LP).- Réginald Delva, Minis jistis ak sekirite piblik la rankontre ak reskonsab Fwon Miks Liberasyon FML ak alye l yo nan opozisyon an jedi 9 oktob la, pou etidye ansanm posibilite pou sòti Tigwav nan kriz politik li ye depi plis ke yon mwa.

Revokasyon komisyon minisipal la ki gen nan tèt madan Sandra Wilcoy Jules se youn nan revandikasyon opozisyon an minis Delva di ki preyokipe l. Titilè ministè enteryè a pwomèt lap asiste Tigwav ak sitou moun ki viktim pandan tibilans politik dènye jou sa yo.

Mèt , Nosalito Soliman ak Alain Pierre Ernso 2 pòt pawòl FML yo di an atandan yo wè minis Reginald Delva ak gouvènman Martelly-Lamothe la aplike pwomès ki fèt yo nan rankont sa anvan lontan yap gade kalm yo.

Toujou gen konfizyon ak dout sou revokasyon oubyen demisyon evantyèl majisra Sandra W Jules nan tèt komisyon minisipal Tigwav la. Gen moun ki ta menm vle fè kwè ke gen kòb ki ta bay oubyen lòt negosyasyon ki ta fèt ant reskonsab FML yo ak minis enteryè a Reginald Delva pou ta kase mouvman opozisyon an kont otorite lokal yo. Paralèlman , gen lòt enfòmasyon ki fè kwè majistra Sandra ta deja negosye lòt djòb ak gouvènman an.

Fenold Lamy/LP

Tigwav, (LP).- Eskè Manb Fwon Miks Pou Liberasyon an(FML) divize? Yon van divizyon ap soufle nan mitan Fwon Miks pou liberasyon an,pòt Vwa FML lan,Nossalito Soliman anonse 2 jou grèv oubyen trèv, Jedi ak Vandredi alòske Acao Rilner,Pòt Pawòl Blòk Opozisyon demokratik (BOD),yon branch FML, di y’ap sou beton an Jedi ak Vandredi, kèl teyat.

Depi kèk jou,youn nan pòt pawòl Fwon an Ernxo Pierre,ap eseye klase Acao ki ta sanble vle pran kontwòl mouvman nan men Dirijan FML yo,apse a pete aswè Mèkredi 1er Oktòb la sou Plizyè Radyo Nan Vil la,sou Radio Preferans fm pa egzanp.

Jounen Jedi 2 Oktòb la,se pral yon tès pou 2 kan sa yo nan opozisyon an kote manb popilasyon an pral pozisyone yo.Rete Branche.

Delmondo Charlemagne/LP

Tigwav,(LP).- Yon jou aprè Depite Jacques S Thimoléon te lanse apèl dyalòg ak Manb Opozisyon an,anpil reyaksyon kòmanse tonbe.

Sekretè jeneral Fwon Miks pou liberasyon an(FML) Robenson Laurent,poze kondisyon pou yo chita ak otorite lokal yo.1)fòk Majistra Sandra W Jules demisyone.2)fòk Depite Thimoléon dezame patizan l yo sinon Agwonòm Laurent Robenson di okenn dyalòk pa posib.Kòdonatè Blòk Opozisyon Demokratik la(BOD) Jolibois Vilbert,ale nan menm sans lan.

N’ap soulinye sa fè 4 Semèn depi opozisyon an tanmen yon mobilizasyon pou mande depa Majistra Sandra Jules nan tèt Meri Tigwav,mouvman sa deja lakòz plis pase 6 moun blese anba kout wòch,yon Sitiyasyon ki lage gwo panik nan vil la,souvan gen anfwontman ant patizan otorite lokal ak opozisyon an.

Delmondo Charlemagne/LP.