Pòt vwa Fwon Miks pou liberasyon an (FML) Nossalito Soliman,nan yon entèvyou li akòde Jounal LE PETIT GOAVIEN maten Dimanch 28 Septanm lan,anonse yon lòt manifestasyon pou Madi 30 Septanm lan nan vil Tigwav pou kontinye Mande demisyon ajan Enterimè Sandra W Jules.

Sa pral fè 11èm jounen mouvman leve kanpe,opozisyon an ap fè pou mande revokasyon Majistra Sandra W Jules kite pouvwa alòske Madam Jules Montre l trè konfòtab nan tèt meri a.

.
Manb FML yo di,yap okipe beton an jiskaske revandikasyon yo satisfè sinon y’ap rele ABA Prezidan Mateli.

DC/LP.

Kòporasyon Jounalis Tigwav la,nan 2èm Jounen Asiz sou fonksyònman laprès lokal adopte kèk rezolisyon pou fòse aktè k’ap feraye sou echikye politik lokal la, respekte jounalis yo.

Ke l lidè Opozisyon,sosyete sivil oubyen otorite lokal,depi yo agrese yon jounalis,y'ap tonbe anba sanksyon kolektif jounalis yo.28 jounalis ki te nan asiz la,Jounen Samdi 27 Septanm lan,nan lokal Louko Night Club,mete yo dakò pou yo pa bay lapawòl ak sektè ki agrese yon jounalis,mezi sa,korespondan radyo nan kapital la ak peyi etranje ap aplikel tou.

Se Yon inisyativ Cercle des Journalistes de Petit-Goave(CJP) Réseau des Médias region Palmes, Amical des journalistes ak Jounalis endepandan yo.

Lamy Fenold/LP.

Konfrè Anel Joseph sibi  Agresyon vèbal anba bouch yon endividi pandan l’ap kouvri manifestasyon Opozisyon an,Jedi 25 Septanm lan.

Jounalis viktim lan anonse l’ap pote plent kont agresè l la nan jou k’ap vini la.A mwen pase yon mwa anviwon 7 Jounalis Viktim anba men patizan opozisyon an ak otorite lokal yo pandan,y'ap kouvri manifestasyon opozisyon ak pouvwa lokal la nan vil Tigwav.

Sous Guyto Mathieu /Radio Préferénce.

Mouvman an pran yon lòt dimansyon,Geto yo komanse antre anndan manifestasyon an alòske gen kèk tèt ki konn la avan ki pa la,eske sa vle di Mouvman bese? Mwen remake gen lòt estrateji pwotestatè yo anplwaye,tankou blokis nan lari.

Manb FML yo kontinye ap mande Depa Ajan enterimè SANDRA JULES,ki kote mouvman sa ap rive? Pouvwa Santral pa deside tande vwa Opozisyon an konsa yo chita pale ak senpatizan yo nan lokal Louco Night Club Samedi 21 Septanm lan ,Se Georges Racine Ki tap dirije rankont sa,Depite Thimoléon te la,Pouvwa Santral Eksprimel aklè,yap sipote pouvwa lokal ki la,nou ka remake gen kèk moun ki pa vin nan mouvman ankò,se kèk patizan pouvwa tèt kale a,ki te deyò men yo te pwofite fè pase fristrasyon yo,Prezidan Mateli deside rantre yo nan pouvwa a, gen non ki deja site pou Vin dirije bò kote Majistra Sandra ki donk Majistra Domingo ak Otellite ta sou wout pou pèdi Job yo.

Dènye zèl kat sa,daprè nou èske l'ap rezoud kriz la? Lè nou konsidere tou divizyon ki genyen nan mitan manb Opozisyon an,lit pou lidèchip,divèjans,sa tou diminye kapasite mobilizasyon yo,san nou pa pale de kèk sektè ki al negosye.

Kòdon sekirite ogmante,plis Bakòp,

Lapolis montrel trè pwofesyonèl menmsi pafwa yo bay twop gaz,pandan twa Denye manifestasyon sa yo, anpeche manifestan yo pase devan meri,yon mezi ki anpeche gen afwontman.

Relasyon Sere sere Depite Thimoléon ak Prezidan Mateli a,se prensipal rezon ki fè Majistra Sandra pap pèdi pòs li,enpi mande kont la,Majistra pa mye plase pou reponn,se ministè yo ak Fim yo ki ta dwe founi detay paske se yo ki jere mago lajan yo,konfizyon total.

Si egzekitif kanpe tòf,opozisyon kanpe dan di,ki kote sa ap mennen Tigwav?

DC/LP

Dirijan nan Sèvis Metwopoliten k'ap kolekte rezidi solid ( SMCRS) Nan tèt kole ak Meri Tigwav Lanse pwojè ki pote non<< Tigwav an bote>> jou kite Dimanch 10 Out la.

Kanpay sansibilizasyon sa ,daprè Otorite yo se pou kenbe Vil la pwòp,yo prevwa nan pwojè sa pou bay travay ak 300 jèn,n'ap raple menm pwojè sa deja lanse nan komin Kenskòf ak Petyonvil ki donk Tigwav se 3èm Vil ki rantre nan pwogwam nan,daprè sa Donald Paraison,Direktè jeneral SMCRS fè konnen.

Nan kad menm pwojè sa,gen yon sit dechaj k'ap konstwi nan lokalite FOCHE(Grangwav),se VNG,yon ONG k'ap sipòte MERI rejyon Palm ki finanse pwojè a,sit dechaj sa pral desèvi Grangwav,Lewogàn,Gresye ak Tigwav,daprè Majistra Sandra W.Jules Ki t'ap reponn kesyon STV ch 12,nan lansman.

DC/LP.