Tigwav, (LP).- Ansyen Depite Ansyen Jean S. Limongy konseye aktyèl Depite Tigwav la,Jacques S Thimoléon pou l mande Majistra Sandra W. Jules demisyone enpi Mande Inite Lit Kont Kòripsyon (ULCC) pou vin menmen ankèt sou byen li genyen pou ti tan li pase sou pouvwa a.

Ansyen reprezantan komin Tigwav la,nan palman an,ki t’ap patisipe nan yon emisyon espesyal sou Radyo Menkontre aprèmidi Mèkredi 1er Oktòb la,denonse move konpòtman Depite Thimoléon,li di toujou anba gwòg li,san regle anyen Serye nan komin nan,toujou ansyen Depite Limongy ki t’ap pale,swete pou Depite Jacques S Thimoléon ta serye pou yon fwa nan vil kote l’ap tranche pi vit ke posib pou sitwayen yo ka viv nan vil la san kè sote.

Mèt Jean S Limongy di li pare pou dyalòge ak Depite Thimoléon sepandan li poze kondisyon pou sa,li di fòk depite a ta dezame patizan l ki ame yo enpi demisyon ajan enterimè Sandra W.Jules.
DC/LP

Tigwav,(LP).- Komisè Verdimon Desjardins ranplase Ronald  Pierre ki pase sèlman 2 mwa nan pòs sa.Seremoni enstalasyon an fèt Lendi 29 Septanm lan.

Anpil gwo defi ap tann komisè Desjardins ki pran mayèt la nan yon moman gen yen anpil mouvman pwotestasyon k'ap fet nan vil la kote souvan konn gen afwontman ant kan opozisyon ak pouvwa lokal la,nan sans sa,anpil sektè konn denonse lapolis,yo di ki souvan kanpe nan pouvwa a.

DC/LP

Flach- Yon machin ofisyèl ak yon moto boule pa patizan sektè opozisyon an nan kafou André 17 maten Mèkredi 1er Oktòb la vil Tigwav. Se yon Nisann Patwòl ki tap rantre nan Sid peyi a. Endividi yo te monte Beyatris ak machin nan anvan yo te retounen vin boulel sou wout nasyonal la.

Pami moun ki te abò vwati sa ta gen yon Direktè ED'H ki te refije yo nan sou komisarya Bòn sòlda anvan yo te anbake pou Gran Gwav abò yon kamyon bwat piske yo pat santi yo an sekirite malgre yo te nan men lapolis. Pandan tan sa gen yon delegasyon polisye ki ta pral fè yon enstalasyon nan sid ki te oblije rantre nan komisarya santral nan vil tigwav poul te ka jwenn Bakòp nesesè pou travèse pwen wouj la. Se bò midi a lapolis tap preparel pou mèt tèt deyò alòske manifestasyon Fwon Miks Liberasyon an te deja nan ri Leconte nan sant vil la.

Paralèlman ,enfòmasyon ki soti bò kote kèk reskonsab opozisyon an di Mondor pa mouri jan kèk moun ta vle fe kwèl menm si li nan yon eta trè kritik.

Fenold Lamy/LP

Si Opozisyon kontinye ap mande otorite yo esplikasyon sou pwojè ki egzekite nan komin Tigwav,Depite Stevenson Jacques Thimoléon fè konnen ni Lameri ni depitasyon pa jere lajan pwojè,se ministè ak Fim yo ki jere kòb yo.

Reprezantan komin Tigwav la,ki enkyete pa rapò ak sa kap devlope nan vil Tigwav dènye sa yo,di li pare pou chita ak manb opozisyon an pou evite vil la tonbe nan yon kawo konsa li voye yon mesaj lapè bay tout moun nan vil la pandan l chwazi radyo PREFERANS kom entèmedyè

Depite Thimoléon ki te entèveni sou antèn Radyo Preferans fm aswè Madi 30 Septanm la,mande patizan l yo resezi yo,gade kalm yo.

DC/LP

Sibtiti Komisè Gouvènman nan kou Dapèl Pòtoprens,Mèt Kebreau Zamor ki te envite nan Emisyon<<Tribune Populaire>> sou Radyo Préférence fm,aswe  3 Madi 30 Septanm lan, envite Depite Stevenson Thimoléon chita pale ak Manb Fwon Miks pou liberasyon pou evite Vil Tigwav tonbe nan Yon tyouboum.

Mèt Kebreau Zamor,di sa k’ap pase Tigwav dènye jou sa yo,sal imaj vil konsa li mande aktè yo pou pran wout Dyalòg pou kominote a ka anpè.

Ansyen komisè gouvènman nan pakè Tigwav la,te fini  pou lanse yon mesaj pou lapè pandan l envite jèn k’ap pwoteste pou tande rezon pa kite pèsonn itilize yo,Mèt la di se enterè Tigwav ki dwe avan.

DC/LP