Bibliyotèk Nasyonal branch Tigwav ap òganize yon yon seri aktivite lespri soti 12 pou Rive 15 Out ,nan okazyon fèt Notredam lan,daprè Direktè Rejyonal antite sa, Jean Midley Joseph.

Ekspozisyon Dokimantè,Kozri,Konferans ak atelye lekti,se ansanm aktivite sa yo ki prevwa fèt nan kad 4èm edisyon<< Jaden kiltirèl>> k'ap fèt ane sa, espesyalman pou fè jèn  TIGWAV yo AK touris yo, redekouvri dimansyon entèlektyèl Regrete memwa,Leslie F Manigat,nan sans sa,13 Out gen ekspozisyon sou zèv Pwofesè  a ak pwojeksyon fim,ap genyen tou,Yon konferans deba Vandredi 15 Out la,nan Otèl Fò Wayal, sou tèm<< Manigat: entre l'humanisme et patriotisme>> se pwofesè Pierre Buteau ak Sosyolòk Carlyle C.ADRIEN k'ap entèvenan.

N'ap soulinye,nan seri aktivite sa yo ap genyen tou, ekspozisyon penti,enpi se nan 2 espas aktivite yo ap reyalize,nan lokal Fò Wayal ak Bibliyotèk la.

DC/LP.

Festival Mèt Lawouze ap  resevwa ane sa,10 Twoup teyat ak atis k’ap rakonte kont.

Soti 4 pou rive 9 Septanm,ri nan Vil Tigwav pral tounen yon espas Refleksyon ak lajwa kote aktè yo pral tradwi abitid nou yo ak mès nou yo,y’ap rakonte istwa nou antake pèp li,daprè Sadrac Jean,youn nan inisyatè mouvman atistik sa.

Pou 2èm edisyon Festival <<MèT LAWOUZE>> a gen anpil gwoup ki envite,pami yo,genyen  Petit Conservatoire de Daniel Marcelin, Cercle Gramsci k’ap soti nan Inivèsite Leta Dayiti, Foudizè Teyat Billy Elucien, Mothergo, Jadart, Sacad Akademi Dans, Milicaj Tigwav . 

DC/LP

Sou envitasyon manb komite k’ap òganize fèt NotreDam lan,yon gwoup jounalis tigwav vizite gwòt Amori ki twouvel nan 12èm seksyon komin nan,Samdi 9 Out pase a.

Travayè laprès yo t’al dekouvri bote ak cham sit sa ki daprè moun nan kanton an  se yon sit mistik alafwa touristik.Toujou daprè moun zòn nan se chak jou vizitè ap defile nan espas sa kote endyen nan ki te kasika zawagwa(lewogàn) te konn vin fete sen Solèy chak ane.

Nap raple pou fèt NotreDam lan,Otorite Minisipal yo nan tèt kole ak komite fèt la,mete an valè Gwòt Amori Kote y’ap fete fèt la sou tèm<< dekouvri Tigwav,site AMORI>

DC/LP

Yon delegasyon ki gen nan tèt li Depite Tigwav la,Jacques S THIMOLEON,Direktè Jeneral Otorite Pòtyè Nasyonal(APN)Alix Celestin,Direktè Administratif nan ladwàn Saint-Louis Hans ak Direktè jeneral Sèvis Maritim ak Navigasyon Dayiti(SEMANAH) Eric Prevost Junior vizite Maten Lendi 19 Me a,Waf Tigwav la epi bay yon konferans pou laprès sou reouvèti Pò a.

Reprezantan Komin lan nan palman Ayisyen an Jacques Stevenson Thimoléon nan entèvansyon l di se yon pwomès ki pral onore kotel di popilasyon pral jwenn travay.

Direktè jeneral APN nan,Alix Celestin bay garanti nan komansman mwa Out 2014 Waf la ap operasyonèl Men li di Otorite yo ap mennen Demach pou jwenn yon sètifikasyonan  nan sa ki gen pou wè ak kòd USPS pou waf la ka ouvri ak komès eksteryè.

N'ap fè konnen gen anpil travay ki rete pou fèt,tankou reparasyon Batiman APN ak Ladwàn ki te sibi gwo domaj Pandan evènman 12 Janvye 2010,Nimewo 1 APN la Alix Celestin fè konnen travay sa yo fèt byen vit pou Waf la ka rekòmanse fonksyone.

Delmondo Charlemagne/LP.

Yon mwa avan sezon move tan,abitan kap destre,Ba Tapyon,Pwovans ak anpil lòt zòn nan 12èm seksyon Komin Tigwav ap viv ak anpil enkyetid akoz gwo menas inondasyon ki pese sou tèt yo.

Dènye gout lapli ki tonbe sou zòn ki site yo deja montre aklè kòman abitan lokalite sa yo vilnerab,sitwayen sa yo ki pa konn ki sen pou yo rele ap viv ak kè sote,yo deja fè anpil dega,plis pase  50 tèt bèt ale san konte kay yo ki inonde ak jaden yo ki devaste.

Fas ak Sitiyasyon malouk sa,otorite lokal tankou Azèk ak manb popilasyon viktim lan prèske fè yon sèl vwa pou mande otorite ki pi wo pase yo pou panse ak yo pou pita pa pi tris.

Se toutan teknisyen nan domèn anviwonnman ap mande dirijan yo nan leta lokal ak santral pou rezoud pwoblèm depi nan tèt mòn yo avan yo vin poze gabyon oubyen fè netwyaj nan dènye pyent rivyè yo sinon teknisyen sa yo kwè popilasyon nan katye ki riske yo ap kontinye viktim.

DC/LP.