Patizan lavalas yo nan vil Tigwav chwazi 7 Fevriye a pou fè tande vwa yo.Kòdonatè rejyonal pati a Jean Antoine Joseph Denonse gouvènman Mately li di,ki vle enstore yon rejim bout di nan peyi a pandan,yo di,chèf leta,deside elimine Ansyen prezidan Jean Bertrand Aristide.Nimewo en Fanmi la pou rejyon an ki tap pale devan patizan lavalas nan lokal Arma Bar,deklare nan pwochèn eleksyon yo kap gen pou òganize yap patisipe nan tout nivo.

Majistra Sandra Jules anonse jodi  Jedi 7 Fevriye 2013 la,nan mikwo jounalis REZO MEDYA TIGWAV,lis gwoup kap nan defile Nan pakou kanaval dous Makòs la pandan 4 jou festivite yo.Se Gabel ak Fasil ki nan ki gen kòm chantè Junior Bonheur alias Mc Junior,yon Desizyon ki etone anpil moun nan vil la.Nap raple chantè sa te òganize plizyè mouvman leve kanpe kont Majistra SANDRA JULES nan fen ane 2012 la nan tèt kole ak David B,Blak MAKAK,lòt 2 mesye sa yo kenbe pozisyon yo,alòske Mc Junior li menm makònen ak Majistra pou kounya.

Depi Mèkredi 6 Fevriye 2013 tout moun sou facebook te ka li kòmantè ki siyen Wilcoy Sandra Giles(Majistra Tigwav),Yon atik Delmondo Ch te pibliye nan jounal sa yè maten,tout moun te ka li,non sa te kòmante l,anpil Betiz te nan kòmantè a.Bri kouri ap kouri tou,yon Konfrè nan vil la,di li resevwa Menas ki donk menm non sa,ta kòmante anba yon piblikasyon l,Kontakte sou dosye sa,Majistra Ssndra JULES,li fè konnen lòt kont sa,pa gen anyen pou wè ak vrè kont Facebook li a,ki gen nonl ak Fotol,Madam JULES fè konnen vrè kont li a rele,Wilcoy Sandra ki gen adrès New York,fo kont la gen menm non an men adrès la se Tigwav.Yon Dosye ki lakoz anpil kòmantè..

Deklarasyon/ Duralph Francois,Getto Lindor,Emmanuel Sanon ak Ernso Pierre 4 jèn entelekytyèl sa yo ap prezante Samdi 9 Fevriye a,Kilti naval,soti 7 h pou rive 11 h nan maten,aktivite sa,daprè inisyatè yo vize remete an valè kilti nou ak reflete listwa nou,sonje zansèt nou a travè sa yo te konn fè,soti bò Komisarya Tigwav la rive anba Tamaren nan Mache Dimanch(ri Jefra) diskou,jibilasyon,deklamasyon tèks,se tout sa ki anonse.