Depite komin Tigwav la Jacques S Thimoléon nan yon Entèvyou li Bay RadioSTV aswè Mèkredi 6 Fevriye 2012 la fè konnen lap pote tout soutyen l bay otorite minisipal yo pou pèmèt vil tigwav gen yon bèl kanaval Dous Makòs ane sa.Reprezantan Komin Tigwav nan palman an,te pwofite anonse ap gen 2 cha sou pakou a,youn pou gwoup Koudjay kap pèfome nan Samdi 9 Fevriye,menm cha sa ap itilize pou gwoup GABEL kap jwe pou rès 3 jou yo,lòt cha a se Dj Papi Mix Kap sou li.Eske gwoup King Size ap nan pakou a? yon kesyon ki rete san Repons.

Anba yon tant sal nan lakou komisarya Tigwav,la se 2 anplaye Ofis Nasyonal Idantifakasyon ap fè ak delivre kat idantifikasyon yo konsa anplwaye sa yo ki pat vle non yo site fè konnen yo gen plis pase 2 lane yap travay nan kondisyon sa alòske dirijan ONI yo pa manifeste volonte pou chanje sa,daprè sa yo di.(Foto wilner Saint Preux  Radio Distinction 2000)

Komisarya santral polis Tigwav la depi lane 2004 twouvel nan yon Eta deplorab kote tout Fasad batiman dekale san pentire,se nan espas sa prizonye yo loje akoz prizon sivil la te kraze pandan mouvman leve kanpe lane 2004 yo,depi Dat sa anyen pa fèt pou pase men komisarya a,malgre anpil vwa pa sispann leve nan sans.(Foto Wilner Saint Preux Radio Distinction 2000)

Swiv deklarasyon Majistra Sandra JULES nan yon entèvyou li bay jounalis Rezo Medya Tigwav jounen Madi 5 Fevriye 2013 ki fè konnen se sèlman 1.5 Milyon yo jwenn sou yon bidjè 16 milyon goud komite kanaval Dous Makos la Bezwen pou òganize Festivite..

Flach Preparatif pou kanaval Dous Makos la ap vanse.Otorite lameri yo nan Tet kole ak  Manb komite kanaval la envite tout moun ki vle konstwi stand sou pakou a dwe kontakte dirijan yo prese prese.