Aprè kanaval Dous Makòs,Enskripsyon pou konkou Bous detid nan diplomasi pou anviwon yon dizèn jèn Tigwav ap fèt,Daprè Majistra Sandra W Jules.

Pwomès Bous detid sa yo te fèt 21 Desanm Pase pandan dewoulman pwogram <<GOUVENMAN LAKAY OU>> ki te fèt nan Tigwav.  Otorite yo bay garanti,tout sak te anonse yo ap respekte,se pou sa,yo di,yo mete kanpe yon komite swivi ki gen ladanl,anpil sektè nan lavi lokal la.

Rete branche pou n konnen tout pwosesis enskripsyon an.

Pandan jou yo ap vanse pou reyalizayon 7èm edisyon kanaval Dous Makòs la, 1er,2,3 ak 4 Mas k'ap vini la,CCP nan tèt Kole ak otorite lokal yo pa kanpe ak preparatif yo.

Nan atelye yo,atis yo kontinye ap pwodwi,Estann kòmanse ap konstwi o Nivo plas Abèy,zòn Lahat. Daprè Romain Jean Huges pòt vwa CCP,Dirijan yo nan komite a ap diskite pou mete deyò yon lis gwoup ak Atis k'ap nan pakou kanaval alòske otorite santral poko di konbyen kòb yap debloke pou Tigwav nan 12 milyon goud,komite kanaval la ap bezwen pou fè yon kanaval banda nan Vil Dous Makòs la.

Dirijan CCP yo chanje logo kanaval Dous Makos la ane sa,nan lide pou l reflete tèm lan<<Kanaval lanmou pou fanm tè dayiti>>.

Kanaval Dous Makòs nan vil Tigwav, 7èm edisyon,yon lòt anbyans,yon lòt koulè.

Men lis Gwoup deyò k'ap nan pakou a soti 1,2,3 ak Mas k'ap vini la:

-Anbyans

-Ram

-Gabèl

-Rasin Mapou azor.

Pou gwoup  ak Atis Lokal,rete Branche pwochen Bilten an.

Sous Nwayo k'ap sipote CCP a.

Nan Lide Pou fè Kanaval Dous Makòs la Banda,ane sa,ap gen Gwoup ANBYANS k'ap Sou pakou a,Premye jou Gra,Samdi 1er Mas,Daprè Felix Salomon Jeune Reprezantan Biwo Depite Jacques S Thimoléon nan Nwayo Solid  sa,K'ap òganize kanaval la ane sa.

Gwoup ak Atis yo ap sou cha pandan 4 jou festivite yo alòs ap gen 2 Cha,youn pou gwoup k'ap soti deyò,lòt la pou gwoup ak atis lakay(Tigwav).

Atelye yo,Manb CCP,Nwayo a,Otorite Tigwav Yo Mobilize pou ane sa,yo Voye Tigwav Pi wo Nan Kanaval koulè,valorizasyon kilti Lokal.

Ane sa,antite k'ap òganize kanaval la deside Onore plizyè fanm vanyan ki batay anpil nan sosyete a Tankou, Yolette Mengual,Premyè Dam Repiblik la,Madam Sophia Martelly,Madam Divivier Pierre Louis,Emeline Michel pou n Site sa yo sèlman.

1er,2,3 ak 4 Mas Kanaval Lanmou Pou tout Banbochè fanm kou gason Nan Site Fosten Soulouk la,yon Randevou manje Makos,pran plezi sou plaj yo.